Won’i geschter hei bi choo, han’i d’Poscht usem Chaschte g’noo
I ha g’schtuunet was derbii is vürechoo
Z’mitz ir ganze Wärbefluet, het es Couvert füre g’luegt
Das wo d’Schwizer jährlech drüber flueche tüe
S’ isch kei g’fröite Ougeblick, drfür isch d’Forderig viu z’dick
Die paar Haar won’i no ha, die schtöö jetz uf !
Aune n’Angere geits äso, wo dä Brief ou hei berchoo
Jede fragt unglöibig: was han ‘ii dervoo ?
D’ Schtüürverwautig isch brutau und sie macht sich ganz legau
A mi Lohn !
Mini Närve liege blank, keiner Chöle uf dr Bank
Jede Monat isch für mi än’ ungliiche Kampf
We nur mi Zapfe grösser wär, d’Belaschtig wäri nid so schwär
S’ sich ä Sklavetriberei, un’ä Huerechrampf
Än’Aazeig wartet no uf mi, e blöde Schmierlatz isches gsii
I heig die wyssi Linie eifach überquert !!!
S’ chöm de ii’gschriebe vom G’richt, seit dä überflüssig Wicht
Mit sim Ougelide gseht dä vou vercheert.
Üse Schtaat isch so brutau und är macht sich ganz legau
A mi Lohn !
Bundes Schtüür, Erbschafts Schtüür,
Tabak Schtüür, Verrächnigs Schtüür
Tribschtoff Schtüür, Fahrzüg Schtüür
Chiuche…, Fernseh…, u Billett Schtüür
Jetze han’i d’Schnouze vou, ma nümme chrüpple wie’ne Sou
Für dä Schtaat wo mi wot mäuche wie’ne Chue
I chotze wäge dere Schmier, wo mi behandlet wie’nes Tier
I schtige uus u bruuche nid ämau Muet derzue
Es chliises Huus ar Gootasüür, nid auzugrosse Pris drfür
Es biuigs Outo un’ es Moped vor der Tür
No chli Schöns im Läbe ha, „savoir vivre“ vou verschtaa
Ohni Schtress u ohni Sorge git’s keis G’schwür
Jeni Zyte si verbi, won’i es Opfer ha müesse si, wäg mim Lohn
Jeni Zyte si verbi, won’i es Opfer ha müesse si…
