Gäubi Bletter g’heie, dr Himu isch jetz grau
Ä chaute Wind blast mir id’s Gsicht
I schtaa uf dr Brügg u hoffe du chömisch bau
Dr Näbu nimmt mer mini Sicht
Mini Gedanke schwäbe zrügg a jene Tag
Wo mer änang am Schtrand hei g’haa
U won’i dir ha g’seit wie sehr dass i di mag
U du mi nie me söusch la gaa
S’isch mer gliich we d’Wäut hört drääie
So lang i geng darf bi dir sii
Drum schtan’i hie wo’s chaut tuet wäie
Mis warme Härz schlaat nur für di
Vor drü’ne Jahr won’i di z’erschte Mau ha g’seh
Da isch mis Härz fasch blibe schtaa
I ha di g’suecht…. vergäbe…. u g’funge niene meh
Äs schiint, du heigsch die Wäut verlaa
Äs isch viu Wasser g’flosse hie dürä Wohlesee
Mir hei’nis beidi furchtbar gärn
Obschon ds G’wüsse gseit het mer dörfe nümme meh
Doch über üüs isch geng dä Schtärn
S’isch mer gliich ….
S’isch jetz Winter und s’het keini Bletter meh
Dr Wäg isch müehsam, schteil u chaut
Doch i weiss ganz genau dass i di wirde g’seh
Am Ändi vo däm dunkle Waud
I möcht mit dir a ds Meer, änang am Schtrand ga haa
Äso wie denn söu’s wieder sii
Und i verschpriche dir, dass i di nie verlaa
Mis G’füeu für di geit nie verbii
S’isch mer gliich…..
