Mi G’schicht, das isch ä keis Märli
Sie handlet vo Dir und vo mir
Jetz si mir zwöi ändlech äs Pärli
U doch tröim’i geng no vo Dir
Mi plaget äso mängi Schwächi
S’isch sicher nid eifach für Di
Aber Du ziehsch Dini Liebi wie’ne warmi Wulldechi
Wie’nä Schutz so zart über mi
Du bisch d’Sunne für mi, dr Wind i dä Sägu
U ds Bluet wo’mer dür d’ Vene schiesst
Ohni Di isch äs trüeb, ä Sicht wie im Näbu
Wie’n äs Bachbett, wo kei Wasser fliesst
Au’s was Du für mi bisch, wett i für Di si
Ou we’s bi üs ä mau wie us Chüble giesst
Mini ganzi Ladig Liebi, mi Meite, die schänke’n i Dir
Äs G’füeu, äso schwär zum beschribe
Das gisch Du mir no jetz jede Tag
Mi Wunsch i Dim Härz chönne z’blibe
Jederzyt, u jedefalls, i jeder Lag
I g’niesse mit Dir die paar Schtunde
Wo der Autag üs beidnä no laat
Aber Zyt flügt verby so schnäu wie drei vier Sekunde
Äs längt chuum für ei gueti Tat
